बबई सिँचाइको नहरले बगाउँदा एक बालिकाको मृत्यु

बबई सिँचाइको नहरले बगाउँदा एक बालिकाको मृत्यु भएको छ ।

मृत्यु हुनेमा बारबर्दिया नगरपालिका- ९ कर्तनियाका तीन वर्षीया प्रिन्सा चौधरी रहेकी छिन् ।  

बिहीबार साँझ घरबाट हराएकी बालिकाको खोजतलासका क्रममा गएराति नहरको किनारमा चप्पल फेलापरेको थियो । 

बालिकाको आज बिहान शव फेलापरेको बर्दिया जिल्ला प्रहरी कार्यालयका प्रहरी नायब उपरीक्षक तुल्सीराम अर्यालले जानकारी दिनुभयो ।

चप्पल भेटिएको स्थानबाट चार किलोमिटर पश्चिमतर्फ वडा नं ९ स्थित धोविनपुर भन्ने ठाउँमा बालिकाको शव भेटिएको जिल्ला प्रहरी कार्यालय बर्दियाले जनाएको छ ।