काठमाडौँ, चैत १७ :
काठमाडौँको नागार्जुन नगरपालिका- ८ ठुलो खोला नजिकै गाडी दुर्घटना हुँदा एक जनाको मृत्यु भएको छ ।
धादिङबाट गएराति काठमाडौँ आउँदै गरेको प्र ३ - ०१- ०२४ च ८३२२ नम्बरको खसी बोका बोकेको टाटा गाडी साइड दिने क्रममा सडकबाट खसेर दुर्घटना भएको प्रहरीले जनाएको छ ।
दुर्घटनामा घाइते गोरखाका ५० वर्षीय गोकुल पाण्डेलाई उपचारका लागि अस्पताल पुर्याइएको भएपनि रातिनै उनको मृत्यु भएको जिल्ला प्रहरी परिसर काठमाडौँले जनाएको छ ।
दुर्घटनामा गोरखाका ४१ वर्षीय जमालुदिन मिया र ४३ वर्षीय रामजी भट्ट घाइते भएका छन् ।
