कलङ्कीमा दुई समूहबीच झडप : एक जनाको मृत्यु, तीन घाइते

काठमाडौँको कलङ्कीमा दुई समूहबीच झडप हुँदा एक जनाको मृत्यु भएको छ । 

सोमबार राति काठमाडौँ महानगरपालिका वडा नम्बर १४ कलङ्कीमा दुई समूहबीच झडप हुँदा ढुङ्गेअड्डा बस्ने २२ वर्षीय अभय गोलेको उपचारको क्रममा मृत्यु भएको काठमाडौँ प्रहरीले जनाएको छ ।

होलीमा भएको विवादलाई लिएर भएको झडपमा तीन जना घाइते भएका छन् । कुटपिट गर्ने एकजनालाई प्रहरीले पक्राउ गरिएको छ भने अरू दुई जना फरार रहेको प्रहरीले जनाएको छ ।