पहिरोले मङ्गलसेन- ठाटीखाँद सडकखण्ड अवरुद्ध

मध्यपहाडी पुष्पलाल राजमार्ग अन्तर्गत मङ्गलसेन- ठाटीखाँद खण्डमा पहिरो खस्दा बाटो अवरुद्ध भएको छ ।

शनिबार रातिदेखि परेको अविरल वर्षाका कारण पहिरो खस्दा मङ्गलसेन- ठाटीखाँद सडक अवरुद्ध भएको हो । उक्त सडकको ठुलासैन नजिकैको चिन्डे वनमा केही भाग भासिएको छ । 

अछामका प्रहरी प्रमुख प्रहरी नायब उपरीक्षक ईश्वरीप्रसाद भण्डारीले अवरुद्ध सडक खुलाउन सडक कार्यालय र मङ्गलसेन नगरपालिकासँग समन्वय भइरहेको जानकारी दिनुभयो।