संसद्‍मा सुमनाको प्रश्न : एसइईमा मधेस प्रदेश सरकार सहभागी हुन नसक्नुको कारण के हो ?

राष्ट्रिय स्वतन्त्र पार्टी (रास्वपा) की सांसद सुमना श्रेष्ठले सरकारले शिक्षा क्षेत्रलाई गम्भीरतापूर्वक लिनुपर्ने बताएकी छन् ।

प्रतिनिधिसभाको आजको बैठकमा आकस्मिक समयमा उनले एसइईमा मधेस प्रदेश सरकार सहभागी  हुन नसक्नुको कारणबारे सरकारले संसद्लाई जानकारी दिनुपर्ने माग गरिन् ।

स्वतन्त्र विद्यार्थी युनियनको निर्वाचनमा राजनीतिक पार्टीको हस्तक्षेप हुँदा विश्वविद्यालयको अध्ययनमा असर परेको सांसद श्रेष्ठको भनाइ छ ।

उनले भनिन्, ‘विद्यार्थीको पढ्न पाउने अधिकार सुनिश्चित गरियोस्, यो विषयमा एकले अर्कालाई आरोप प्रत्यारोप गरेर हुँदैन ।’ उनले विश्वविद्यालयलाई राजनीतिक अखडा बनाउन नहुने समेत बताइन् ।