कांग्रेसका शीर्ष नेताहरूको बैठक बस्दै

नेपाली कांग्रेसका शीर्ष नेताहरुको बैठक शुक्रबार बस्ने भएको छ ।

संसद्‌मा अड्किएका अध्यादेशलगायत संसदीय समितिमा छलफल भइरहेका अन्य विधेयक र समसामयिक राजनीति तथा पार्टीको आसन्न महाधिवेशनको विषयमा छलफल गर्न सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका हुन् । बैठक अपराह्न ४ बजे बोलाइएको छ ।

राष्ट्रिय सभामा बहुमत सुनिश्चित नहुँदा अड्किरहेको अध्यादेश पारित गराउने विकल्पबारे बैठकमा छलफल गर्ने तयारी छ ।