भोजपुरको दूधकोसी-चुहार-फलामढुंगा-घोडेटार सडक कालोपत्र सुरु 

जिल्लाको दूधकोशी- चुहार- फलामढुङ्गा- घोडेटार सडक कालोपत्र सुरु गरिएको छ ।

यातायात सञ्जाललाई थप मजबुत बनाउने लक्ष्यका साथ सोमबार ८३ वर्षीय किरात नाङछुङ कर्णबहादुर राईले किरात मुन्दुमी संस्कारअनुसार सडक कालोपत्रको शुभारम्भ गरेका हुन् ।

दक्षिणी क्षेत्रबाट भोजपुरलाई तराईका जिल्लासँग जोड्ने सबैभन्दा छोटो मार्गका रूपमा रहेको यो सडक ग्रामीण सडक सञ्जाल सुधार परियोजना (आरसीआइपी) कार्यान्वयन एकाइ, कोशी प्रदेशको बजेटमा निर्माण हुने जनाइएको छ । बाइस दशमलव सात किलोमिटरको यो सडक कालोपत्र ७२ करोड ९८ लाख लागतमा गर्न लागिएको हो ।
  
हतुवागढी गाउँपालिकाका अध्यक्ष प्रेमकुमार राईले यो सडकले तराईका जिल्लासँग जोड्न सहजता हुने बताए ।