बेलायती राजकुमार दम्पति आज नेपाल आउँदै

बेलायती राजकुमार एडवार्ड र उनकी श्रीमती सोफिया आज (मंगलबार) नेपाल भ्रमणमा आउँदै छन्।  सुरक्षा स्रोतका अनुसार, दुवैजना छुट्टाछुट्टै विमानमार्फत नेपाल आउन लागेका हुन्।

नेपाल भ्रमणको क्रममा राजकुमार एडवार्ड र उनका श्रीमतीले केही महत्वपूर्ण स्थलहरूको भ्रमण गर्ने कार्यक्रम तय भएको छ ।  भ्रमणको क्रममा उनीहरू माइती नेपाल, कीर्तिपुरस्थित आँखा अस्पताल, र भक्तपुरमा रहेको एसओएस बालग्राम जानेछन् । साथै, पोखरा पनि घुम्ने योजना रहेको छ।

बेलायती राजपरिवारको आधिकारिक वेबसाइटमा राजकुमार एडवार्ड र उनकी श्रीमती सोफियाको पहिलो विदेश भ्रमण नेपालबाट गर्ने उल्लेख छ। यो भ्रमण बेलायती राजपरिवारका लागि ऐतिहासिक रहेको र नेपालको लागि पनि महत्त्वपूर्ण मानिएको छ ।