काठमाडाैं, माघ १३ :
नेपाली कांग्रेसका पदाधिकारी र पार्टीका मन्त्रीहरुबीच छलफल भएको छ ।
सिंहदरबारमा शनिबार भएको छलफलमा संसद् अधिवेश, पार्टीको गतिविधि ,पछिल्लो राजनीतिक अवस्था लगायतकाबारे छलफल भएको बताइएको छ । सरकार र पार्टीका गतिविधि एक आपसमा थाहा पाउन पनि यस किसिमको भेटघाट र छलफल गरिएको हो ।
कांग्रेसले यसअघि नै पार्टीका मन्त्रीहरुलाई सातामा दुई दिन कार्यकता र जनताका गुनासा सुन्न निर्देशन दिएको छ ।सभापति शेरबहादुर देउवाको अगुवाइमा भएको छलफलमा पार्टीका शीर्ष नेताहरुसहित सरकारमा सहभागी मन्त्रीहरु सहभागी थिए ।
यसैबीच, कांग्रेसले संसद् अधिवेशनबारे छलफल गर्न भोलि (आइतबार) संसदीय दलको बैठक समेत बोलाएको छ। संसद बैठक यही माघ १८ गतेदेखि बोलाइएको छ।
