सरकारप्रति कुनै अभिरुचि छैन, कांग्रेससँग तत्काल सहकार्य हुँदैन : दाहाल

नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहालले तत्काल नेपाली कांग्रेससँग सहकार्य नहुने बताएका छन् ।

सुर्खेत विमानस्थलमा बिहीबार पत्रकारहरूसँग कुरा गर्दै दाहालले तत्काल कांग्रेससँग सत्ता साझेदारी नगर्ने बताएका हुन् ।

सत्ता साझेदारीका विषयमा कांग्रेसका कोहीसँग पनि कुरा नभएको दाहालले बताए ।यो गठबन्धन भने धेरै समय नटिक्ने उनको तर्क छ ।

सरकारले अध्यादेशबाट देश सञ्चालन गर्न खोजेको आरोप लगाउँदै अध्यक्ष दाहालले संसद्‌लाई छल्दै संवैधानिक र लोकतान्त्रिक व्यवस्थालाई मिचेर अध्यादेश ल्याइनु गलत रहेको बताए ।

सरकारमा जाने कुनै अभिरुचि नभएको उल्लेख गर्दै दाहालले सरकार सहज ढंगले नचलेको बताए ।