काठमाडौँ, मंसिर ३ :
रास्वपाका सभापति एवं पूर्व गृहमन्त्री रवि लामिछानेलाई काठमाडौँ जिल्ला अदालतले पक्राउ पुर्जी जारी गरेको छ ।
काठमाडौँको कालिमाटीस्थित स्वर्णलक्ष्मी सहकारी संंस्थाको रकम अपचलन सम्बन्धि उजुरीमाथि अनुसन्धान गर्न प्रहरीले अदालत समक्ष पक्राउ गर्न अनुमति मागेको थियो ।
प्रहरीले आजै पक्राउ अनुमति मागेको र अदालतले पनि पक्राउ अनुमति दिएको जिल्ला अदालतका एकजना अधिकारीले दिएका छन ।
यसैगरी लामिछानेसहित पूर्व डिआईजी छविलाल जोशीलाई पनि जिल्ला अदालत काठमाडौँले पक्राउ गरी अनुसन्धान गर्न अनुमति दिएको छ ।
लामिछाने र जोशी दुबै जना अहिले सहकारीको रकम अपचलन सम्बन्धी अनुसन्धानको क्रममा कास्की प्रहरीको हिरासतमा छन ।
दुबै जनालाई रुपन्देही जिल्ला अदालतले पनि बयान लिएको थियो ।
