डोटी, मंसिर ३ :
डोटीको शिखर नगरपालिका- ८ खुनस्थित भीमदत्त राजमार्गमा सवारी दुर्घटना हुँदा एक जनाको मृत्यु भएको छ ।
शनिबार साँझ डडेल्धुराबाट दिपायलतर्फ आइरहेको मोटरसाइकललाई जिपले ठक्कर दिँदा मोटरसाइकलमा सवार दिपायल सिलगढी नगरपालिका- १ सिर्खोलीका ३२ वर्षीय लोकेन्द्र साउदको मृत्यु भएको हो ।
दुर्घटनामा घाइते भएका मोटरसाइकल चालक प्रकेश विकलाई सुजङ्ग अस्पतालमा सामान्य उपचारपश्चात थप उपचारको लागि धनगढी पठाइएको छ । ठक्कर दिने जीप र त्यसका चालकको खोजी भइरहेको जिल्ला प्रहरी कार्यालयले डोटीले जनाएको छ ।
