बागलुङ, कात्तिक २७ :
बागलुङको जैमिनी नगरपालिका- ८ छिस्तीबाट जिल्ला सदरमुकाम बागलुङ बजार आउँदै गरेको पिकअप भ्यान दुर्घटना हुँदा पाँच जनाको मृत्यु भएको छ ।
ग २ च ९२४७ पिकपअ भ्यान जैमिनी- ७ जैदीको व्यार्थला नजिकै आज बिहान सडकदेखि एक सय मिटर भन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिनुभयो ।
घटनामा मृतकको पहिचान खुलिसकेको छैन । पिकअप भ्यानमा सवार एक जनाको भने जीवितै उद्धार गरिएको छ ।
घटनाको थप विवरण आउन बाँकी रहेको उहाँले बताउनुभयो ।
