बागलुङ, कात्तिक २२ :
बागलुङमा आज बस दुर्घटना हुँदा २१ जना घाइते भएका छन् ।
रुकुमदेखि काठमाडौँका लागि छुटेको ना८ ख ८४१४ नम्बरको बस बागलुङको निसीखोला गाउँपालिका- ६ जाउलेपानीमा दुर्घटनामा परेको हो ।
दुर्घटनामा परेका सबै घाइतेलाई बुर्तिबाङ प्राथमिक केन्द्र बागलुङमा ल्याइएको जिल्ला प्रहरी कार्यालय बागलुङका प्रहरी निरीक्षक सुनिल शर्मा चिलवालले जानकारी दिनुभयो । गाडीमा ४० यात्रु सवार रहेको प्रहरीले जनाएको छ ।
हाल प्रहरी र स्थानीयले उद्धार गरिरहेको प्रहरी निरिक्षक चिलवालले बताउनुभयो । बुर्तिबाङबाट थप प्रहरी पठाइएको छ । थप विवरण आउन बाँकी रहेको प्रहरीले जनाएको छ ।
