काठमाण्डौं, कात्तिक १८ :
भारतबाट तिहार मनाउन नेपाल आउँदै गर्दा कार दुर्घटनामा परी २ जना नेपालीको मृत्यु भएको छ ।
भारतको पन्जाब राज्यबाट बढ्नी नाका हुँदै घर फर्किरहेको हुण्डाई कार र रोडवेज बस एक आपसमा ठक्कर खादा दुर्घटना भएको हो ।
आज बिहान भएको दुर्घटनामा परी कपिलवस्तु बाणगंगा नगरपालिका ९ बर्दहवाका दिनेश बेल्बासे र गैँडाकोट नगरपालिका वडा नम्बर ६ का अनिल सापकोटाको निधन भएको थाना पचपेडवा बलरामपुरले प्रेस विज्ञप्ति मार्फत जनाएको छ ।
कारमा सवार मृतक बेल्बासेका पत्नी शारदा बेल्बासे, बाणगंगा नगरपालिका जितपुर नम्बर ४ निवासी टेक बहादुर र उहाँको पत्नी धनकाला घाइते हुनु भएको बलरामपुर प्रहरीले जनाएको छ ।
