काठमाण्डौँ , कात्तिक १६ :
सुनको मूल्य हालसम्मकै महँगो भएको छ ।
लगातार उकालो लागेको सुनको मूल्यमा आज भएको वृद्धिपछि हालसम्मकै उच्च बिन्दुमा पुगेको हो ।
नेपाल सुनचाँदी व्यवसायी महासङ्घका अनुसार नेपालीको दोस्रो ठूलो पर्व तिहारको अवसरमा सुनको मूल्यमा उच्च वृद्धि भई कीर्तिमान कायम गरेको छ ।
हिजो प्रतितोला दुई हजार दुई सयले वृद्धि भई रु एक लाख ७० हजार सात सयमा कारोबार भएको छापावाला सुन आजका लागि भने एक लाख ७१ हजार निर्धारण भएको छ । हिजोको तुलनामा आज प्रतितोला रु तीन सयले वृद्धि भएको हो ।
यस्तै चाँदीको मूल्य तोलामा ३० ले घटेको छ । आज प्रतितोला दुई हजार एक सय २० मा कारोबार भएको चाँदी आजका लागि दुई हजार ९० निर्धारण भएको छ ।
