संसदीय सुनुवाइ समितिको बैठक बस्दै, जापानका लागि प्रस्तावित राजदूत थापाबारे निर्णय लिइने

 संसदीय सुनुवाइ समितिको बैठक आज बस्दैछ ।

बैठकमा जापानका लागि प्रस्तावित राजदूत जिज्ञान कुमार थापाबारे निर्णय लिइने बताईएको छ ।  आज दिउँसो ३ बजे सिंहदरबारमा बैठक बस्ने सुनुवाइ समितिको सचिवालयले जनाएको छ । गत असोज २८ गते प्रस्तावित राजदूतको संसदीय सुनुवाइ भएको थियो । नियुक्तिका लागि सिफारिस १३ मध्ये १० राजदूतको नाम मात्र संसदीय सुनुवाइ समितिले सो दिन अनुमोदन गरेको थियो । जापानका लागि प्रस्तावित राजदूत थापाको जापानको पीआर रहेको भन्दै सांसदहरुले प्रश्न उठाएपछि थप अध्ययन गर्ने भन्दै त्यसबखत सुनुवाइ स्थगित गरिएको थियो ।

यसैगरी सो बैठकले साउदी अरबका लागि प्रस्तावित गिरीबहादुर सुनार र मलेसियाका लागि प्रस्तावित राजदूत चुडामणि खरेलको नाम भने अनुमोदनका लागि अस्वीकृत गरिएको थियो ।