एमालेको स्थायी कमिटी बैठक आज बस्दै, वरिष्ठ नेताका रुपमा पूर्व राष्ट्रपति विद्या भण्डारी पनि सहभागी हुने

नेकपा एमालेको स्थायी कमिटी बैठक आज बस्दैछ ।

बैठक पार्टी कार्यालय च्यासलमा दिउँसो १ बजे बैठक बस्ने आजको बैठकमा पहिलोपटक वरिष्ठ नेताका रुपमा विद्या भण्डारी पनि सहभागी हुने भएकी छन् ।

पूर्व राष्ट्रपति विद्या भण्डारी वरिष्ठ नेताका रूपमा मनोनयन भएपछि बोलाइएको पहिलो बैठकमा भण्डारी सहभागी हुन लागेकी हुन् ।

स्थायी कमिटीमा पदाधिकारीबाहेक पूर्व वरिष्ठ नेता ईश्वर पोखरेलसहित प्रदीप ज्ञवाली,काशीनाथ अधिकारी, देवराज घिमिरे, लालबाबु पण्डित, थममाया थापा र शिवमाया तुम्बाहाङ्फे थपिएका छन् ।

बैठकले केन्द्रीय कमिटीद्वारा प्रत्यायोजित अधिकार प्रयोग गर्दै विभिन्न तहका जिम्मेवारीबारे निर्णय गर्ने बताइएको छ । त्यसअन्तर्गत केन्द्रीय सदस्य, पोलिट्ब्युरो, स्थायी कमिटीका थप सदस्य, ज्येष्ठ कम्युनिष्ट मञ्चसहित विभिन्न विभागका सदस्यको जिम्मेवारी टुंगो लगाउने एमालेको तयारी गरिएको छ ।