काठमाण्डौँ, कात्तिक ३ :
साफ महिला च्याम्पियनसिप २०२४ अन्तर्गत समूह चरणको पहिलो खेलमा नेपाल भुटानसँग गोलरहित बराबरीमा रोकिएको छ ।
दशरथ रंगशालामा भएको खेलमा नेपालले अधिकांश समय बल नियन्त्रणमा राख्दै आक्रमण पनि गोल गर्न भने सकेन ।
साफ च्याम्पियनसिप कै इतिहासमा नेपालको यो पहिलो बराबरी हो ।
यसअघि साफको ६ संस्करणमा खेलेको समूह चरणको सबै खेलमा नेपालले कम्तिमा १ गोल भने गरेको थियो ।
समूह बी अन्तर्गत नै आज नै पहिलो भएको पहिलो खेलमा श्रीलंकाले माल्दिब्सलाई १-० ले हराएको थियो ।
यस नतिजाले श्रीलंका ३ अंकका साथ समूहको शीर्षस्थानमा छ ।
नेपाल र भुटान १-१ अंक सहित दोस्रो स्थानमा रहँदा अंकविहिन माल्दिभ्स पुछारमा छ ।
प्रतियोगिता अन्तर्गत भोली भने कुनै खेल हुने छैन । अब आइतबार साँझ ५:३० बजे बंगलादेश र पाकिस्तानबीच प्रतिस्पर्धा हुनेछ ।
