विराटनगर, भदौ ८ :
कोसी प्रदेशका मुख्यमन्त्री हिक्मतकुमार कार्कीले प्रदेशसभाबाट विश्वासको मत पाएका छन्। सोमबार बसेको प्रदेशसभा बैठकमा कार्कीको पक्षमा ५७ र विपक्षमा २२ मत परेको हो।
विश्वासको मतको पक्षमा नेकपा एमाले र नेपाली कम्युनिस्ट पार्टीका सांसदले मतदान गरेका थिए भने नेपाली कांग्रेसका सांसद विपक्षमा उभिए। राप्रपाका सांसद भने तटस्थ बसे।
कोसी प्रदेशसभामा एमालेका ४० र नेपाली कम्युनिस्ट पार्टीका १७ सांसद छन्। राप्रपाका सभामुखसहित ५ सदस्य छन् भने जनता समाजवादी पार्टीकी एक्ली सांसद निर्मला लिम्बु बैठकमा अनुपस्थित रहिन्। सोमबारको बैठकमा ८३ जना सांसद उपस्थित थिए। ९३ सदस्यीय प्रदेशसभामा एक सदस्यले राजीनामा दिएपछि हाल ९२ सदस्य छन्।
