विष्णु पौडेलको रिटमा सर्वोच्चको आदेश, सम्पत्ति शुद्धीकरण मुद्दाको सक्कल मिसिल झिकाउनू

सर्वोच्च अदालतले एमाले उपाध्यक्ष तथा पूर्वउपप्रधानमन्त्री विष्णु पौडेलको बन्दीप्रत्यक्षीकरण रिट निवेदनको सुनुवाइका क्रममा सम्पत्ति शुद्धीकरण मुद्दाको सक्कल मिसिल झिकाउन आदेश दिएको छ।

पौडेलकी श्रीमती दोमाया पौडेलले दायर रिटमा न्यायाधीशद्वय टेकप्रसाद ढुङ्गाना र मेघराज पोखरेलको इजलासले सर्वोच्च अदालतले  समग्र अध्ययनका लागि विशेष अदालतबाट सुलभ अग्रवाल र दीपक भट्ट प्रतिवादी रहेको सम्पत्ति शुद्धीकरण मुद्दाको सक्कल मिसिल झिकाउन आदेश जारी गरेको हो।

विशेष अदालतमा रहेको सम्पूर्ण मिसिल सर्वोच्च अदालतमा पेस गरेपछि रिटमाथिको सुनुवाइ अघि बढ्नेछ । सुलभ अग्रवाल र दीपक भट्ट प्रतिवादी रहेको सम्पत्ति शुद्धीकरण मुद्दा हाल विशेष अदालतमा विचाराधीन छ।