प्रधानमन्त्री शाह महाधिवेशनमा सहभागी भएर काठमाडौँ फर्किए

प्रधानमन्त्री वालेन्द्र शाह पार्टीको महाधिवेशनमा सहभागी भए काठमाडौं फर्किएका छन् । रास्वपाका वरिष्ठ नेता समेत रहेका प्रधानमन्त्री शाह बिहान ११ : ३१ बजेको उडानद्वारा भरतपुरबाट काठमाडौँ फर्केका हुन् ।

परिवारसहित चितवन पुगेका प्रधानमन्त्री शाहले पार्टीको महाधिवेशनको उद्घाटनसत्रमा आइतबार सम्बोधन गरेका थिए भने मङ्गलबारको बन्दसत्रमा उनी सहभागी भएका थिए । 

महाधिवेशनबाट शाह वरिष्ठ नेता निर्वाचित भइसकेका छन् ।  यहाँ रहँदा उनले सौराहास्थित हात्ती प्रजनन केन्द्र र चितवन राष्ट्रिय निकुञ्जको भ्रमण गरेका थिए । रास्वपाको प्रथम महाधिवेशनले नयाँ नेतृत्व र पदाधिकारी चयन गर्दैछ ।