राहदानी विभागका महानिर्देशक अर्याल अख्तियारको नियन्त्रणमा

अख्तियार दुरुपयोग अनुसन्धान आयोगले  राहदानी विभागका महानिर्देशक तीर्थराज अर्याललाई नियन्त्रणमा लिएको छ।

आयोगको टोलीले सोमबार बेलुका अर्याललाई काठमाडौंस्थित त्रिभुवन अन्तर्राष्ट्रिय विमानस्थलबाट नियन्त्रणमा लिएर हिरासतमा राखेको  छ।

राहदानी प्रणालीसँग सम्बन्धित खरिद प्रक्रियामा अनियमितता भएको आरोपमा आयोगले अनुसन्धान गरिरहेको छ। सोही अनुसन्धानका क्रममा थप सोधपुछ तथा प्रमाण संकलनका लागि अर्याललाई नियन्त्रणमा लिइएको बताइएको छ।

राहदानी विभागसँग सम्बन्धित खरिद तथा सेवा व्यवस्थापनका विषयमा उठेका प्रश्नहरूको छानबिन अख्तियारले केही समयदेखि गरिरहेको बताइएको छ। अनुसन्धानको निष्कर्षका आधारमा आयोगले थप कानुनी प्रक्रिया अघि बढाउने जनाइएको छ।