काठमाडौं, चैत २९ :
भारतीय सुप्रसिद्ध गायिका आशा भोसलेको निधन भएको छ । चिकित्सकले गायिका भोसलेको निधन भएको पुष्टि गरेका छन् ।
९२ वर्षकी भोसलेलाई कार्डियक अरेस्ट भएपछि शनिबार अस्पतालमा उपचारका लागि भर्ना गरिएको थियो । आइतबार मुम्बईको ब्रीच क्यान्डी अस्पतालमा उपचारका क्रममा उनको निधन भएको हो । उनी पछिल्लो समयसम्म पनि गायन क्षेत्रमा सक्रिय रहँदै आएकी थिइन् ।
भारतीय संगीत उद्योगकी एक प्रतिष्ठित व्यक्तित्वका रूपमा चिनिने आशा भोसलेले पार्श्व गायनमा असंख्य अविस्मरणीय गीतहरू गाएकी छन्। ‘नये दौर’ देखि ‘तीसरी मंजिल’, ‘हरे रामा हरे कृष्ण’ देखि ‘उमराव जान’ र ‘इजाजत’ हुँदै ‘रंगीला’सम्म उनका गीतहरूले समय, पुस्ता र परिवेशलाई पार गर्दै श्रोताको मन जितिरहे। शरीर नभए पनि उनको स्वर भने सदैव अमर रहिरहनेछ ।
