बैतडी, फागुन २० :
बैतडीमा पैसा वितरण गरिरहेको अवस्थामा प्रहरीले एक व्यक्तिलाई पक्राउ गरेको छ। पक्राउ पर्नेमा दोगडाकेदार गाउँपालिका–३ का भानदेव भट्ट रहेका छन्।
उनी लगायत केही व्यक्तिहरू कांग्रेसका मतदातालाई प्रभावित पार्ने उद्देश्यले पैसा बाँड्दै हिँडिरहेको भन्ने उजुरीका आधारमा पक्राउ गरिएको प्रहरीले जनाएको छ। भट्टले एमालेका उम्मेदवार तथा कार्यकर्तासँग मिलेर नगद वितरण गरिरहेको आरोप लगाइएको छ।
यस विषयमा नेपाली कांग्रेस बैतडीका सचिव प्रेमबहादुर चन्दले सम्बन्धित निकायलाई आवश्यक निगरानी र छानबिन गर्न आग्रह गरेका थिए। सोही आधारमा सुरक्षाकर्मीले निगरानी बढाउँदै जाँदा उनीहरूलाई नियन्त्रणमा लिइएको बताइएको छ।
