भक्तपुर, फागुन १७ :
राष्ट्र, राष्ट्रियता, धर्म संस्कृति तथा नागरिक बचाउ महाअभियानका संयोजक दुर्गा प्रसाईंलाई पाँच दिन हिरासतमा राख्न प्रशासनले अनुमति दिएको छ ।
जिल्ला प्रशासन कार्यालय भक्तपुरले प्रसाईंलाई हिरासतमा राख्न अनुमति दिएको हो । निर्वाचन विरोधी अभिव्यक्ति दिएको आरोपमा प्रसाईंलाई आइतबार भक्तपुरस्थित उनकै निवासबाट पक्राउ गरिएको थियो ।
उनीविरुद्ध शान्तिविरुद्धको कसुरमा अनुसन्धान अघि बढाइएको छ । प्रसाईं पछिल्लोपटक फागुन ४ मा पक्राउ परेर १३ गते सर्वोच्चको आदेशमा रिहा भएका थिए ।
