काठमाण्डौं, असोज १५ :
अविरल वर्षाका कारण भएको बाढीपहिरो र डुबानमा परी हालसम्म एक सय ९२ को मृत्यु भएको छ।
३० जना बेपत्ता भएका छन् । प्राकृतिक विपदमा १ सय ९४ जना घाइते भएको गृह मन्त्रालयले जनाएको छ ।
बाढीपहिरोपछिको खोज,उद्धार र राहतका लागि सबै सुरक्षा निकाय परिचालित भई हालसम्म करिब ४ हजार ५ सयभन्दा बढी विपद् प्रभावितको उद्धार गरिएको मन्त्रालयले जनाएको छ ।
बाढीपहिरो प्रभावितलाई खाद्यान्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार भइरहेको बताईएको छ ।
सरकारले खोज,उद्धार र राहतलाई उच्च प्राथमिकता दिएको छ । यातायात सञ्चालन गर्न अवरुद्ध राजमार्ग खोल्न पहल भइरहेको पनि मन्त्रालयको भनाई छ ।
