बैतडी, माघ २१ :
बैतडीमा भिरबाट लडेर निर्वाचन प्रहरीको मृ*त्यु भएको छ । जिल्ला प्रहरी कार्यालय बैतडीका प्रमुख दीपककुमार रायका अनुसार दशरथचन्द नगरपालिका ४ का ३२ वर्षीय प्रकाश चन्दको मृत्यु भएको हो ।
निर्वाचन प्रहरी चन्दको सुन्दरखाली मैदानमा सञ्चालित तालिम सकेर घरतर्फ गइरहेका बेला खरकटे सल्लेरी भन्ने स्थानमा भिरबाट लडेर आज बिहान मृ*त्यु भएको हो । निर्वाचन सुरक्षाका लागि भर्ना भएका प्रहरीहरु तालिम सकेर धमाधम आआफ्नो क्षेत्रमा खटिने क्रम सुरु भएको छ । आजैदेखि नेपाली सेना पनि निर्वाचन सुरक्षामा खटिएको छ ।
