धनगढी, माघ १२ :
कैलालीमा श्रीमान्को कुटपिटबाट श्रीमतीको मृत्यु भएको छ । धनगढी उपमहानगरपालिका–८ घर भएर धनगढी–१३ को राजपुरमा डेरा गरी बस्ने सतिङ दाहालले घरायसी विवादमा श्रीमती ३० वर्षीया हिरा दाहाललाई कुटपिट गरेर सोमबार गम्भीर घाइते बनाएका थिए ।
उनलाई उपचारका लागि सेती प्रादेशिक अस्पताल धनगढी लगिएको थियो तर उनको उपचारकै क्रममा मृत्यु भएको हो । श्रीमतीको मृत्यु भएपछि श्रीमान् सतिङलाई जिल्ला प्रहरीले पक्राउ गरेको छ । उनलाई नियन्त्रणमा लिएर आवश्यक अनुसन्धान अघि बढाइएको प्रहरीले जनाएको छ । मृतकको शव परीक्षणका लागि प्रादेशिक अस्पतालमै राखिएको छ ।
