काठमाडौँ, असोज १४ :
गोरखाबाट काठमाडौँ आउँदै गरेको यात्रु बस सम्पर्कविहीन भएको छ ।
गोरखाको लापुबेंसीबाट काठमाडौँका लागि छुटेको बस सम्पर्कविहीन भएको हो । लापुबेँसीबाट शुक्रबार बिहान छुटेको ना ४ ख २२७० नम्बरको दरौँदी यातायातको बस हराएको गोरखाका प्रमुख जिल्ला अधिकारी भोला दाहालले सक्रियन्युज डक कमलाई जानकारी दिनुभयो ।
बसमा सुरुमा चालक र सहचालक मात्र भएपनि ठाउँठाउँबाट यात्रु चढेको हुनसक्ने यातायातका कर्मचारीलाई उद्दत गर्दै प्रजिअ दाहालले बस मुग्लिनसम्म पुगेको यात्रुबाटै खबर आएको र कसैले चाहिँ धादिङको खानी खोलासम्म पुगेर सम्पर्कबिहिन भएको भन्ने खबर पाएको बताउनुभयो ।
बेपत्ता बसको खोजी कार्य जारी रहेको र बिभिन्न निकायबाट सूचना लिने काम भइरहेको प्रजिअ दाहालको भनाइ थियो ।
बसका चालक र सहचालक समेत सम्पर्कमा नरहेपछि पहिरोमा परेको हुनसक्ने आशङ्का गरिएको छ ।
