काठमाडौं, माघ ६ :
राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईं मंगलबार हाजिरी जमानीमा छुटेका छन् । उनलाई सोमबार पोखरा विमानस्थल नजिकैबाट कास्की प्रहरीले नियन्त्रणमा लिएर काठमाडौं ल्याइएको थियो ।
निर्वाचन आयोगको विश्वसनीयतामाथि आँच आउने गरी भ्रामक प्रचार गरेको आरोपमा उनलाई पक्राउ गरिएको थियो । प्रसाईंले नेपाली कांग्रेसको विशेष महाधिवेशन पक्षले निर्वाचन आयोगलाई ५२ करोड रुपैयाँ बुझाएर निर्वाचन नतिजा आफ्नो पक्षमा पारेको भन्दै एक भिडियो सार्वजनिक गरेका थिए । सोही विषयलाई लिएर आयोगले अनुसन्धानका लागि प्रहरीलाई पत्राचार गरेपछि उनलाई पोखराबाट पक्राउ गरी बयान लिइएको हो ।
