काठमाडौं, पुस २४ :
मधेश प्रदेशसभा सदस्य रहबर अन्सारीले नेकपा छाडेका छन् । उनले पुष्पकमल दाहाल प्रचण्डलाई बिहीबार पत्र लेख्दै नेकपा छाडेको घोषणा गरेका हुन् । अन्सारीले हुलाकबाट राजीनामा पत्र पठाएका हुन् । उनले प्रचण्डलाई माओवादी केन्द्रका पूर्व अध्यक्ष सम्बोधन गरेका छन् ।
उनले बुझाएको राजीनामा पत्रमा प्रचण्डले मधेस प्रदेशमा गाएको ‘सागर के तुफान को भी हमने बस में किया है..’ सायरी उद्धृत गर्दै अब यो गीत प्रचण्डको स्मृतिमा मात्र बाँकी रहेको स्मरण गराएका छन् । प्रचण्डले माधव नेपाल लगायतसँग मिलेर पार्टीको नाम परिवर्तन गरेको केही महिनापछि रहबरले यस्तो गरेका हुन् ।
