काठमाडौं, पुस ६ :
सर्वपक्षीय सरकार गठनको माग गर्दै जेनजी अभियान्ता मिराज ढुङ्गाना समूहले भोलिदेखि देशव्यापी आन्दोलन गर्ने घोषणा गरेको छ ।
आइतबार आयोजित पत्रकार सम्मेलनमा ढुङ्गानाले जेनजी आन्दोलनलाई धोका दिइएको भन्दै शान्तिपूर्ण आन्दोलन गर्ने घोषणा गरेका हुन् ।
ढुङ्गानाले सुशीला कार्की नेतृत्वको सरकार असफल भइसकेको दाबी गर्दै जेनजी आन्दोलनलाई धोका दिएको बताए । भोलि ११ बजे काठमाडौंस्थित माइतीघर मण्डलामा उपस्थित हुन समेत उनले सबैलाई आह्वान गरेका छन् ।
