काठमाडौं, मंसिर २८ :
नेपालका लागि भारतीय राजदूत नवीन श्रीवास्तवको स्वास्थ्य अवस्था सुधार उन्मुख हुँदै गएको छ। शनिबार मुटुको देब्रे नशामा ‘हर्टअट्याक’ भएर शल्यक्रिया गरिएका श्रीवास्तवलाई जनरल वार्डमा सार्ने तयारी भएको ग्रान्डी इन्टरनेसनल अस्पतालले जनाएको छ।
काठमाडौँको चम्पादेवी डाँडामा हाइकिङ गर्ने क्रममा एक्कासी अचेत भएर उनी ढलेका थिए। अवस्था गम्भीर बनेपछि उनलाई तत्काल नेपाली सेनाको हेलिकप्टरबाट उद्धार गरी ग्रान्डी इन्टरनेसनल अस्पतालमा पुर्याइएको थियो। अस्पताल पुर्याउनासाथ प्रारम्भिक स्वास्थ्य जाँचपछि चिकित्सकलले तत्काल मुटुमा स्टेन राखेर ब्लकेज खोलेका थिए।
‘आइसीयू कक्षमा उपचाररत उहाँको स्वास्थ्य सुधार हुँदै गएको छ,’ अस्पताल स्रोतले भन्यो, ‘आज वार्डमा सार्ने तयारी भइरहेको छ।’
