काठमाडौं, मंसिर १५ :
काठमाडौं महानगरपालिकाका मेयर बालेन्द्र शाह (बालेन) शाहका पिता रामनारायण शाहको पशुपति आर्यघाटमा अन्त्येष्टि गरिएको छ ।
लामो समयदेखि मधुमेहका बिरामी शाहको आज मध्यान्ह ७७ वर्षको उमेरमा नयाँ बानेश्वरस्थित सिभिल अस्पतालमा निधन भएको थियो ।
उनी पछिल्लो समय पिसाब संक्रमण सम्बन्धी समस्याले पीडित थिए । दाहसंस्कारमा मेयर बालेन भावविह्वल देखिए । बालेनलाई पितृशोक परेको खबरपछि सरकारका मन्त्री, नेता, समर्थकहरू अस्पतालदेखि आर्यघाटसम्म पुगेका थिए ।
