काठमाडौं, मंसिर १४ :
प्रभु बैंकका प्रमुख कार्यकारी अधिकृत (सीईओ) अशोक शेरचनलाई केन्द्रीय अनुसन्धान ब्यूरो (सीआईबी) ले आज पक्राउ गरेको छ। ठगीसम्बन्धी अनुसन्धानको सिलसिलामा उनलाई नियन्त्रणमा लिइएको हो।
यसअघि, सीआईबीले कात्तिक २२ गते बैंकको बिजुलीबजारस्थित केन्द्रीय कार्यालयमा छापा मार्दै विभिन्न महत्वपूर्ण कागजातहरू नियन्त्रणमा लिएको थियो। साथै, कात्तिक ११ गते प्रभु समूहका अध्यक्ष देवीप्रकाश भट्टचनलाई समेत पक्राउ गरिएको थियो।
सीआईबीले करिब ९८ करोड रुपैयाँ ठगीसम्बन्धी मुद्दामा अनुसन्धान अघि बढाइरहेको छ। उक्त घटनाबारे प्रभु म्यानेजमेन्टकी अध्यक्ष कुसुम लामाले जाहेरी दिएपछि अनुसन्धान तीव्र पारिएको हो।
