लोकतान्त्रिक आन्दोलनका योद्धा वासुदेवशरणको निधनप्रति देउवाद्वारा शोक व्यक्त

नेपाली कांग्रेसका सभापति एवं पूर्वप्रधानमन्त्री शेरबहादुर देउवाले लोकतान्त्रिक आन्दोलनका योद्धा वासु (वासुदेवशरण) कोइरालाको निधनप्रति गहिरो दुःख व्यक्त गरेका छन् । उनको आज ९३ वर्षको उमेरमा निधन भएको हो ।

सभापति देउवाले शोक विज्ञप्ति जारी गर्दै  कोइरालाको निधनबाट सिङ्गो पार्टी मर्माहत भएको जनाउँदै उनप्रति श्रद्धाञ्जली तथा शोकाकूल परिवारजनमा हार्दिक समवेदना व्यक्त गरे । काभ्रेपलाञ्चोकको खोपासीमा जन्मिएका कोइराला विस २०१२ सालदेखि नेपाली काग्रेसमा आबद्ध थिए ।