नेपाली बजारमा साताको तेस्रो कारोबार दिन आज (मंगलबार) सुनचाँदी दुवैको मूल्य घटेको छ ।
नेपाल सुनचाँदी व्यवसायी महासंघका अनुसार अघिल्लो कारोबार दिन हिजो (सोमबार) को तुलनामा सुन प्रतितोला १२ सय रुपैयाँ र चाँदी १५ रुपैयाँले घटेको छ ।
महासंघका अनुसार अघिल्लो कारोबार दिन हिजो (सोमबार) सुन एक लाख ९६ हजार ३०० रुपैयाँमा कारोबार भएको थियो । आज सुनको मूल्य प्रतितोला १२ सय रुपैयाँले घट्दै एक लाख ९५ हजार १०० रुपैयाँ कायम छ । सुनको मूल्य आइतबार प्रतितोला एक लाख ९५ हजार ५०० रुपैयाँमा कारोबार भएको थियो ।
यसैगरी चाँदीको मूल्य प्रतितोला १५ रुपैयाँले घटेको छ । चाँदीको मूल्य २३ सय रुपैयाँ कायम छ । चाँदी आइतबार प्रतितोला २३ सय १० र सोमबार प्रतितोला २३ सय १५ रुपैयाँमा कारोबार भएको थियो ।
