निर्वाचन आयोगले राजनीतिक दलहरूसँग ‘राजनीतिक दल स्वमूल्यांकन कार्यविधि २०८२’ उपर सुझाव मागेको छ ।आयोगमा सुझाव पेस गर्न गर्नका लागि यही साउन २२ गते सम्मको समय दिइएको छ ।कार्यविधिको मस्यौदामा उल्लेख भए अनुसार ९ वटा विषय वा बँदामा स्वमूल्यांकन गरेर आयोगमा प्रतिवेदन बुझाउनुपर्ने हुन्छ ।
आयोगले कार्यविधिको मसौदा तयार गरी राजनीतिक दलहरूलाई पठाइएको थियो । सोही कार्यविधिको मसौदामाथि सुझाव मागिएको हो । कार्यविधिमा राजनीतिक दलले स्वमूल्यांकन गेर निर्वाचन आयोगमा प्रतिवेदन पेस गर्नुपर्ने लगायतका विषय समावेश छ ।
आयोगले राजनीतिक दलको आन्तरिक कार्यविधिलाई व्यवस्थित गर्दै कामकारबाहीलाई पारदर्शी र जिम्मेवार बनाउन स्वमूल्यांकन कार्यविधि २०८२ बनाइएको प्रवक्ता निता पोखरेल अर्यालले बताइन् ।
दल आफैंले आफ्नो मूल्यांकन गर्ने पद्धतिको विकास गर्न संस्थागत प्रबन्धको लागि निर्वाचन आयोगले मस्यौदा तयार गरेको हो । मस्यौदा उपर सुझाव प्राप्त भएपछि त्यसकै आधारमा आयोगले आवश्यक हेरफेर गर्ने भएको छ ।
