सुनको मूल्य प्रतितोला ११ सय रुपैयाँले घट्यो, चाँदीको कति ?

नेपाली बजारमा आज (आइतबार) सुनको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य प्रतितोला ११ सय रुपैयाँले घटेको हो ।

महासंघका अनुसार सुन अघिल्लो कारोबार दिन (शुक्रबार) प्रतितोला एक लाख ९४ हजार ७०० रुपैयाँमा कारोबार भएकामा आज (आइतबार) एक लाख ९३ हजार ६०० रुपैयाँ कायम छ ।

यसैगरी चाँदीको मूल्य प्रतितोला ५० रुपैयाँले घट्दै २२ सय ९० रुपैयाँ कायम छ । चाँदी अघिल्लो कारोबार दिनमा प्रतितोला २३ सय ४० रुपैयाँमा कारोबार भएको थियो ।