काठमाडौं, असार १६ :
नेकपा एमालेका प्रमुख सचेतक महेश बर्तौलाले न्यायालयप्रति आमनागरिकको विश्वास कमजोर हुँदै गएको बताएका छन्।
संसदीय सुनुवाई समितिको बैठकमा सर्वोच्च अदालतका प्रस्तावित न्यायाधीश शान्तिसिंह थापासँग प्रश्न गर्दै बर्तौलाले न्यायाधीशहरूको आचरण र निर्णय प्रक्रियामै गम्भीर प्रश्न उठिरहेको उल्लेख गरे।
‘भरोसा करिब करिब टुट्न खोजेको छ,’भन्दै उनले न्याय सम्पादनमा विचलन, आचरणको प्रश्न र पीडितले न्याय नपाएको जस्ता कारणले यस्तो अवस्था आएको बताए।
उनले कतिपय न्यायाधीशले तथ्य, प्रमाणभन्दा पनि आफू सुरक्षित रहने गरी फैसला गर्ने गरेको आरोपसमेत लगाए। बर्तौलाले यस्तो अवस्थाबाट बाहिर आउन भावी न्यायाधीशहरूको भूमिका के हुने हो ? भनी प्रश्न समेत उठाए।
