कांग्रेस सभापति देउवा भन्छन्- हामीलाई बजेट चित्त बुझेको छैन

सत्तासाझेदार दल नेपाली कांग्रेसका सभापति शेरबहादुर देउवाले आर्थिक वर्ष ०८१/८२ बजेटप्रति आफूलाई पनि चित्त नबुझेको बताएका छन् ।

काठमाडौंमा मंगलबार आयोजित आपूर्ति तथा उपभोक्ता विभागको बजेटसम्बन्धी छलफलमा देउवाले बजेटको विषयमा पार्टीलाई र आफूलाई चित्त नबुझेको बताए ।

‘बजेट हामीलाई चित्त बुझेकै छैन । पार्टीलाई बुझेको छैन,’ उनले भने, ‘तर पनि योभन्दा राम्रो बजेट हुन सक्दैनथ्यो भनेका छन् यसैअनुसार लिनुपर्छ भन्ने लाग्छ ।’

त्यस्तै उनले नेपालको आयात भारतको भरमा टिकेको बताएका छन् ।  ‘सरकारले व्यापार गर्ने होइन, उद्योग खोल्ने होइन, उद्योगपतिले उद्योग खोल्ने, व्यापारीले व्यापार गर्ने कुरा हो, सरकारले सहयोग गर्ने मात्रै हो । हाम्रो पार्टीले सहयोग गर्छ’ देउवाले भने ।