काठमाडौं, जेठ १५ :
सेयरबजार आजदेखि तीन दिन लगातार बन्द रहने भएको छ । आज (बिहीबार) जेठ १५ गते अर्थात् गणतन्त्र दिवसमा सार्वजनिक बिदा भएको हुँदा सेयर बजार खुल्ने छैन । भोलि शुक्रबार र पर्सि शनिबार पनि सेयरबजार बन्द रहनेछ । अब एकैपटक आइतबार मात्र सेयरबजार खुल्नेछ ।
आज गणतन्त्र दिवसका दिन सरकारले सार्वजनिक बिदा दिएको हुँदा सेयरबजारसँगै बैंक तथा वित्तीय संस्थाहरु पनि बन्द रहनेछन् । बैंकहरुको होलिडे काउन्टर भने खुल्नेछन् ।
साथै आज (बिहीबार) आगामी आर्थिक वर्ष ०८२/८३ को बजेट भाषण पनि हुनेछ । हरेक वर्ष जेठ १५ गते बजेट सार्वजनिक गर्नु पर्ने संवैधानिक व्यवस्था छ ।
