![बारपाकमा भूकम्पको क्षति र पुनर्निर्माण झल्काउने फोटो प्रदर्शनी [तस्बिरसहित]](https://mail.sakriyanews.com/public/uploads/Barpak Prakashchandra Photo (5).jpg)
गोरखाको बारपाक-सुलिकोट गाउँपालिकाले दशौं भूकम्प स्मृति दिवसमा विविध कार्यक्रम गरेको छ ।
कार्यक्रममा प्रमुख अतिथिका रुपमा नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल पुगेका छन् ।
समारोह कार्यक्रमको शुभारम्भ भूकम्पले विभत्स क्षति पुर्याएको ठीक ११:५६ बजेको समयमा मौनधारणा गरियो । भूकम्पमा ज्यान गुमाएका सबैको सम्झनामा उपस्थित सबैले एकसाथ मौनधारण गरेका थिए ।
त्यसअघि अध्यक्ष दाहालले ‘क्षति र पुनर्निर्माण’ झल्काउने फोटो प्रदर्शनी उद्घाटन गरेका छन् । फोटो पत्रकार प्रकाशचन्द्र तिमिल्सिनाले खिचेका तस्बिरहरु प्रदर्शनीमा राखिएका छन् ।
प्रमुख अतिथिका रुपमा पुगेका माओवादी अध्यक्ष दाहालले तस्बिर प्रदर्शनीको सुरुवात गर्नुका साथै तस्बिरहरुलाई चाखलिएर अवलोकन गरेका थिए । ‘प्रदर्शनीमा २०७२ वैशाख १२ गतेको भूकम्पले पुर्याएको विनाश, राहत कार्य, अस्थायी आवास तथा दिगो पुनर्निर्माणका पहलहरू समेटिएका छन्,’ फोटो पत्रकार तिमिल्सिनाले जनाए ।
शेयर:
Facebook
Twitter
WhatsApp
