नेपाल आयल निगमले पेट्रोलियम पदार्थको मूल्य घटेको जनाएको छ ।
मंगलबार राति १२ बजेबाट लागू हुनेगरि पेट्रोल, डिजेल र मट्टितेलको मूल्य ३/ ३ रुपैयाँ घटाइएको निगमले जनाएको हाे ।
यो सँगै काठमाडौँ, पोखरा र दिपायलमा पेट्रोलको एक सय ६० र मट्टितेलको एक सय ४६ रुपैयाँ पर्नेछ । सुर्खेत र दाङमा पेट्रोलको एक सय ५९ र मट्टितेलको एक सय ४५ रुपैयाँ पर्नेछ ।
त्यस्तै, चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जमा भने पेट्रोलको एक सय ५७ रुपैयाँ ५० पैसा र मट्टितेलको एक सय ४३ रुपैयाँ ५० पैसा पर्ने निगमले जनाएको छ ।
इन्डियन आयल कर्पोरेशनबाट आज प्राप्त पेट्रोलिमय पदार्थको नयाँ खरिद मूल्यअनुसार प्रतिलिटर पेट्रोलमा तीन रुपैयाँ १५ पैसा र डिजेलमा दुई रुपैयाँ ६२ पैसाले घटेर आएकाले स्थानीय बजारमा पनि मूल्य समायोजन गरिएको निगमले स्पष्ट पारेको छ ।
