नवलपरासी, चैत २९ :
दाउन्नेको सडकको हिलोमा फसेका सवारी साधन निकाल्न नसक्दा सवारी आवागमन अवरुद्ध भएको छ ।
दाउन्नेको विश्वकर्मा मन्दिर नजिक हिलोमा फसेका गाडी निकाल्न नसक्दा बिहीबार साँझदेखि राजमार्ग अवरुद्ध रहेको इलाका प्रहरी कार्यालय दुम्कीबासले जनाएको छ ।
राजमार्ग खुलाउने प्रयास जारी रहेको र हिलोमा फसेका गाडी चिप्लिएका कारण राजमार्ग अवरुद्ध बनेको प्रहरीले जनाएको छ ।
बिहीबार दाउन्ने क्षेत्रमा परेको वर्षाले राजमार्ग हिलाम्य भएको छ । ग्राभेल नहालेका कारण दाउन्ने राजमार्गको १४ किलोमिटर खण्डमा समस्या हुने गरेको छ ।
